ildirilib ki, e-poçt səhvinə görə ABŞ ordusunun şəxsi məlumatları Mali hökumətinə mesaj olaraq göndərilib. Məlumata görə, yazı səhvi milyonlarla ABŞ hərbi e-poçtunu Mali-yə yönləndirib və bəzilərində çox həssas məlumatlar var. Bu problem, alıcının e-poçt ünvanı domeni üçün .MIL əvəzinə .ML daxil edilməsinə səbəb olub. Belə bir sadə səhvə görə, indi Rusiya ilə sıx əlaqələri olan Mali hökumətinin əlində ABŞ hərbçilərinin həssas məlumatları ola bilər.
Bildirilib ki, bir hərfdən ibarət səhv diplomatik sənədlər, vergi bəyannamələri, parollar kimi bir çox məlumatı ifşa edib. Göndərilən e-poçtlarda çox həssas məlumatların olduğu bildirilib. Belə ki, ABŞ Ordusunun Baş Qərargah rəisi general Ceyms Makkonvilin may ayında İndoneziyaya səfəri üçün səyahət planlarını ehtiva edir.
Bundan əlavə, bura obyektlərin xəritələri, bazaların fotoşəkilləri, pasport nömrələri, gəmilərin ekipaj siyahıları, vergi və maliyyə qeydləri, tibbi məlumatlar, müqavilələr və şəxsi heyətə qarşı şikayətlər daxildir. Pentaqon adından danışan polkovnik-leytenant Tim Qorman bildirib ki, "Müdafiə Departamenti bu problemdən xəbərdardır və nəzarət edilən milli təhlükəsizlik məlumatlarının icazəsiz açıqlanmasına ciddi yanaşır". Lazımi ehtiyat tədbirlərinin görüləcəyini bildirən polkovnik-leytenant bütün ABŞ hərbçilərinin məsələ ilə bağlı narahat olmamalarını sözlərinə əlavə edib.
