mazon bədənin 3B modelini yaradan və səsdən emosional vəziyyəti izləyə bilən ağıllı qolbaq olan Halo Band-i və onun appini təqdim etdi.
Amazon yenilikçi və dəbli bir qolbaqla süni intellekt tətbiq olunan sağlamlıq alətləri dəstini birləşdirir. Amazonun Halo Band-i dizayn baxımından oxşar məhsullardan fərqlənir. Halo Band hərtərəfli şəxsi sağlamlığı izləməyi hədəfləyir. Beləliklə, istifadəçilərin sağlamlıq vəziyyətlərini yaxından və ətraflı izləmələrini təmin edir.
Hərtərəfli sağlamlıq və idman izləmə digər ağıllı qolbaqlardan fərqli olaraq, Halo Band-ın ekranı yoxdur. Klassik fitness izləmə xüsusiyyətlərinə əlavə olaraq, Halo Band-də bədənin 3 ölçülü taraması, bədən yağ nisbəti və istifadəçinin əhval-ruhiyyəsini qavramaq kimi müxtəlif xüsusiyyətlər də var. Halo band səs tonunu izləyərək emosional vəziyyət haqqında nəticələr verir. Yaradılan 3B model sayəsində həm bədən kütlə indeksini, həm də bədənin yağ faizini və paylanmasını daha etibarlı şəkildə hesablayır.
Halo Band-in ekranının olmaması ağıllı qolbağın bir az daha idman və fitness yönümlü olduğunu göstərir. Diqqəti yayındıran bu xüsusiyyət əvəzinə, yuxu vərdişlərini yaxşılaşdırmaq və meditasiya kimi faydalı sahələrə üstünlük verilir. Yüngül yuxu və dərin yuxu daxil olmaqla ətraflı yuxu xəritələri hazırlaya bilər.
Akselerometr, temperatur sensörü, nəbz izləməsini təmin edəcək hissələr qolbağın arxa tərəfində yerləşir. Bundan əlavə, yan tərəfdəki düymə ilə mikrofon yandırılıb söndürülə bilər. Eyni zamanda, qolbağın kiçik bir LED işığı da mövcuddur.
