Texnologiya nəhəngi Dünya Kubokunun Finalında yeni axtarış rekordunun qırıldığını açıqlayıb.
FİFA-nın dörd ildən bir keçirilən və bu il Qətərdə baş tutan Dünya Çempionatının Finalı milyonlarla insan tərəfindən həyəcanla izlənilib. Argentinanın qalib gəldiyi bu turnir özü ilə yeni rekord da gətirib.
Google CEO-su Sundar Pichai Twitter-də paylaşdığı tvitlə ötən gün baş tutan Dünya Kuboku Finalı zamanı son 25 ildə, yəni şirkətin yarandığı gündən bəri ən yüksək axtarış trafikinin baş verdiyini açıqlayıb.
Pichai dünən axtarış trafikinə dair heç bir məlumat paylaşmadı. Bununla belə, Google-un xidməti olan Trends-ə nəzər saldıqda görürük ki, dünyada ən populyar axtarış Dünya Kuboku Finalıdır, statistika isə gündən-günə artmaqdadır.
Twitter saniyədə 24 min tvitlə rekord qırdı!
Google ilə yanaşı, məşhur sosial media platformasından da rekord qeydə alınıb. Twitter CEO-su Elon Musk, Fransanın Dünya Kubokunun Finalında vurduğu qol zamanı cəmi bir saniyə ərzində 24.400 tvit göndərərək yeni rekordun qırıldığını açıqladı.
Daha çox
Texnologiya
kateqoriyasından
