Müştəri Məlumat Platforması niyə vacibdir?

üəyyən istehlakçı tiplərini hədəfləmək və yaxşını pisdən ayırmaq yolunda marketoloq öz prioritetlərini yaxşı seçməlidir.

Böyük layihələrə əvvəlcədən müəyyən edilmiş məqsədlərlə başlamaq lazımdır. Məlumat əsrində əlavə məlumat deposu yaratmağın nə mənası var ki?

Məqsədimiz Müştəri Məlumat Platformasına qədər daralsa belə onun strukturu istifadəçi tiplərindən və uyğun marketinq kanallarından asılı olaraq kəskin dəyişə bilər.

Proses digər inkişaf layihələrindən elə də fərqlənmir: əgər mövzumuz avtomobildirsə, hansı növ avtomobildən danışırıq? Şübhəsiz ki, heç bir şirkət bu suala cavab vermədən yeni avtomobil dizayn etməz. Əgər şirkət hər kəsin istək siyahısını nəzərə alsa və tələbatını nəzərə alsa, onlar idman avtomobili kimi idarə olunan yük maşını dizayn etmək məcburiyyətində qalacaq. Bu isə şirkətə sərf etmir.

Eyni zamanda iddialı və uzun verilənlər bazasına sahib olan layihələrin tamamlandıqdan sonra əhəmiyyətsiz olduğunun şahidi olmuşuq. Məlumat yığmaq cəhdlərinin hətta inkişaf mərhələlərində belə bir nəticə verməsi gözlənilir. Bu o deməkdir ki, istifadəçi tələblərinin düzgün prioritetləşdirilməsi ilkin şərt olmalıdır.

Funksionallığın düzgün prioritetləşdirilməsi təkcə müvafiq inkişaf mərhələlərini təyin etmək üçün deyil, həm də məlumatların planlı şəkildə qəbulu üçün vacibdir. Əlimizdə hər tip müştəri məlumatı varsa, ilkin mərhələlər üçün əsas hansıları nəzərə almalıyıq?

Aşağıda prioritetləşdirməli olduğumuz məsələlərə nəzər yetirək:

Şəxsi məlumatlar (PII – Personally identifiable information)

Müştəri Məlumat Platformasında açar söz müştəri olduğu üçün “ID” də vacibdir. “PII” olmadan, fərdi “ID”nin yaradılması hətta ən müasir ID qrafik həllər ilə belə mümkün deyil. Hər zaman üzvlərinizin ad, soyad, ünvan, poçt indeksi, telefon nömrəsi kimi məlumatlarını əlinizdə saxlamağa çalışın. “PII” ilə profil yaratma və hədəfləmə üçün hər qeydə hər növ üçüncü tərəf məlumatları asanlıqla əlavə edilə bilər.

Əməliyyat məlumatları (Transaction data)

Müştərilərin keçmiş satınalma tarixi gələcək davranışlarının ən mühüm göstəricisidir. Statistiklərin və süni intellektin əlində əməliyyat məlumatları daha güclü olur. Yeganə mənfi isə indiyədək sizdən alış-veriş etməyən müştərilər haqda əlinizdə məlumatın olmamasıdır.

Məhsul və ya “SKU” səviyyəli məhsul məlumatları

Əməliyyat məlumatları ilə yanaşı, məhsul məlumatları da çox vacibdir. Müştərilərin bir tranzaksiyada birdən çox məhsul almış ola biləcəyindən və “SKU” (Stock Keeping Unit) səviyyəli məlumatların sərbəst formada məhsul təsvirlərinə bənzədiyindən onlarla işləmək bir qədər mürəkkəbdir. Ancaq onlar bir dəfə təmizlənib kateqoriyalara bölünərsə, “SKU” səviyyəli məhsul məlumatları fərdiləşdirmə üçün əhəmiyyətli rol oynayacaq.

Əməliyyat kanalı

Bu gün bir çox onlayn və oflayn kanal olduğu üçün 360 dərəcəli müştəri axtarışında bütün əməliyyat mənbələrindən gələn məlumatları birləşdirmək əsasən CDP (Müştəri Məlumat Platforması) təşəbbüslərinin ilkin hədəfinə çevrilir. Əsas olan satış dollarları baxımından ən əhəmiyyətli mənbələrin arxasınca getmək və hər şey bir yerə toplayana qədər gözləməməkdir.

Cavab tarixçəsi

Marketinq səylərinin hansı elementlərinin həqiqətən işə yaradığını bilmək üçün “kimin hansı kanal vasitəsilə hansı təklifə cavab verməsi ilə bağlı məlumatlar saxlanılmalıdır. Bu tip məlumatların həcmi kifayət qədər böyük ola bilər, lakin tanıtım tarixçəsini faktiki tranzaksiyalarla uyğunlaşdırsanız, onlar gələcək cavabların güclü proqnozçularına çevrilirlər. Təəssüf ki, bir çox Müştəri Məlumat Platformaları buna nail ola bilmir, çünki şirkətlər cəhd etmək belə istəmirlər.

Onlayn davranış

Veb saytınızı tanıtım reklamlarına görə ziyarət edə bilərlər, lakin orqanik və ödənişli axtarış, sosial media, “affiliate”lər və yönləndirmələr kimi kanallardan gələn klik məlumatları da alıcılarla əlaqələndirilməlidir. Yenə də əsas məsələ bu məlumatların həcmidir və müştərilərinizin axtarışa verdikləri ilə aldıqları nisbətdə fərqlənə bilər. Lakin klik məlumatları yüksək məlumat əhatəsi və düzgün kanal atributları üçün vacib tərkib hissəsi olan istiqamətdir.

Keyfiyyətli məlumat

Big data dövründə onlayn və oflayn qarşılıqlı əlaqə qeydləri, istifadə və hərəkət məlumatları, hisslər və anket nəticələri kimi struktursuz məlumat çoxdur. İri sosial media şirkətlərinin fərdlərin kimliyini paylaşmaq hüququ yoxdur, insanların dedikləri ilə etdikləri də üst-üstə gəlməyə bilər. Lakin onlarda bəzi identifikatorlar olsa, sorğu məlumatları münasibət modelləşdirməsi üçün faydalı ola bilər.

Birincisi, məlumatların mərhələlərlə yol xəritəsini hazırlamaqdır. Daha sonra isə istifadəyə yararlı, lakin asılılığı daha aşağı olanlardan başlayaraq hər dəfə bir məlumat mənbəyinin arxasınca gedin. Sadəcə birinci mərhələni tamamlamaq belə sizə dərhal fayda verəcəyi üçün xəyali finiş xəttinə dərhal çatmağa çalışmayın.

Mənbə: ADWEEK, “Willow Data Strategy” şirkətinin prezidenti Stefen H. Yu tərəfindən yazılmış məqalə.

‍