Apple-ın qatlanan iPhone modeli ilə bağlı yeni görüntülər ortaya çıxıb.
WWDC öncəsi yayılan yeni sızıntılar Apple-ın ilk qatlanan smartfonu kimi gözlənilən iPhone Ultra modelinin mümkün dizaynını nümayiş etdirir. İnternetdə paylaşılan maket və CAD görüntüləri cihazın forması və texniki xüsusiyyətləri barədə indiyədək ortaya çıxan ən detallı materiallardan biri hesab olunur.
Məlumatlara görə, Apple kitab kimi qatlanan dizayna üstünlük verir. Cihaz açıq vəziyyətdə təxminən 7,8 düymlük daxili ekrana sahib olacaq və ekran ölçüsü baxımından iPad mini-yə yaxın təcrübə təqdim edə bilər. Qapalı halda isə ekranın təxminən 5,5 düym olacağı gözlənilir. Bildirilir ki, Apple daxili ekran üçün 4:3 nisbətini seçərək həm multimedia istifadəsi, həm də məhsuldarlıq funksiyaları arasında balans yaratmağa çalışır.
Sızıntılarda cihazın titan və alüminium materiallardan hazırlanacağı, ekran qat izinin isə mövcud qatlanan telefonlarla müqayisədə xeyli az görünəcəyi qeyd olunur. Ön kameranın daxili ekranın yuxarı sol hissəsində yerləşəcəyi, biometrik autentifikasiya üçün isə Face ID əvəzinə yenidən Touch ID texnologiyasından istifadə edilə biləcəyi iddia edilir.
Texniki xüsusiyyətlər arasında A20 prosessoru, 12 GB operativ yaddaş və Apple-ın yeni nəsil süni intellekt funksiyalarına uyğunlaşdırılmış aparat platforması da göstərilir. Sənaye mənbələri hesab edir ki, şirkət qatlanan cihaz seqmentinə daxil olarkən premium kateqoriyanı hədəfləyəcək və modelin qiyməti 2.000 dollardan yuxarı olacaq.
Daha çox
kateqoriyasından
