iPhone 15 seriyasının təqdim edildiyi gün iPhone 12 ilə bağlı təəccüblü bir inkişaf gündəmə gəldi.
Fransanın rəqəmsallaşma və telekommunikasiya naziri Jean-Noel Barrot ölkədə “iPhone 12” satışının növbəti xəbərdarlığa qədər qadağan olduğunu açıqlayıb. Agence Nationale des Frequences (ANFR) tərəfindən elan edildiyi kimi, aşkar edilmiş yüksək SAR dəyərinə görə Apple-ın Fransada iPhone 12-ni satmasına icazə verilmir. Qeyd edək ki, SAR termini simsiz rabitə qurğularının insan bədəninə yaydığı radiasiya miqdarını göstərmək üçün istifadə edilir.
Elektron cihazların insanlara yaydığı elektromaqnit dalğalarının miqdarına nəzarət edən ANFR-nin verdiyi açıqlamaya görə, 141 telefon modeli üzərində edilən nəzarətlərdə “iPhone 12”lərin Avropada icazə verilən radiasiya miqdarını keçdiyi müəyyən edilib. Avropada bir telefon cibdə və ya əldə tutulduqda radiasiya miqdarının 4Vt/kq olması halda, ANFR “iPhone 12” model telefonunda bu miqdarın 5,74 Vt/kq olduğu ortaya çıxıb.
Daha çox
Texnologiya
kateqoriyasından
