pple iOS 17.0.3 proqram təminatı yeniləməsini buraxdı. Beləliklə, iPhone 15 cihazlarında yaranan qızma problemi aradan qaldırılıb.
iPhone 15 cihazları buraxıldıqdan sonra istifadəçilər həddindən artıq isinmə problemindən şikayətlənirdilər. Xüsusilə iPhone 15 Pro və 15 Pro Max-da isinmə probleminin zəif performansa səbəb olduğu ortaya çıxmışdı. Nəhayət, iOS 17.0.3 yeniləməsi buraxıldı və iPhone 15 modellərində isinmə problemi həll edilib.
iOS 17.0.3 yeniləməsini iOS 17 ilə uyğun gələn bütün iPhone cihazları üçün yükləmək olar. Yeni proqram yeniləməsi sayəsində iPhone-ların gözlənildiyindən daha isti işləməsinə səbəb ola biləcək problemlər aradan qaldırılıb.
Həm həddindən artıq istiləşmənin qarşısını alan, həm də təhlükəsizlik tədbirləri təmin edən proqram yeniləməsi ən çox yeni çıxan iPhone 15 cihazlarının sahibləri üçün faydalı olacaq. Çünki istifadəçilər kiçik və sadə əməliyyatlar zamanı belə cihazların həddindən artıq qızdığını deyirdilər.
