S&P 500 rekordu və 2026-cı ilin ən çox yüksələn 10 şirkəti.
ABŞ fond bazarının əsas göstəricilərindən olan S&P 500 indeksi 7 665 bəndə yüksələrək tarixi rekordunu yeniləyib. İlin əvvəlindən etibarən bazarda xüsusilə süni intellekt, məlumat mərkəzləri və yüksək performanslı hesablama infrastrukturuna artan investisiyalar texnologiya sektorunda güclü yüksəlişə səbəb olub. Bu tendensiya bəzi şirkətlərin səhmlərinin qısa müddətdə yüz faizlərlə bahalaşmasına gətirib çıxarıb.
Ən yüksək artım yaddaş və məlumat saxlama texnologiyaları istehsalçılarında qeydə alınıb. SanDisk (+488,1%), Western Digital (+216,6%), Seagate (+211,4%), Micron (+207,5%) və Marvell (+154%) süni intellekt modellərinin işlədilməsi üçün tələb olunan böyük həcmli məlumatların saxlanması və emalı sahəsində artan tələbatdan faydalanan şirkətlər sırasında yer alıb.
AI infrastrukturunun genişlənməsi server və çip istehsalçılarına da müsbət təsir göstərib. Dell (+262,8%), Intel (+165,4%), AMD (+141,6%), Lumentum (+124%) və Hewlett Packard Enterprise – HPE (+114,4%) məlumat mərkəzlərinə, AI serverlərinə və optik şəbəkə avadanlıqlarına artan sifarişlər hesabına ilin ən sürətlə dəyər qazanan şirkətləri sırasında yer alıblar.
Analitiklərin fikrincə, generativ süni intellekt texnologiyalarının sürətli inkişafı fond bazarında əsas hərəkətverici qüvvələrdən birinə çevrilib. Böyük texnologiya şirkətləri və bulud xidmətləri təminatçıları AI infrastrukturu üçün milyardlarla dollar sərmayə yatırdıqca, bu sahədə fəaliyyət göstərən çip, server, yaddaş və məlumat ötürmə texnologiyaları istehsalçılarının gəlirlərinin və bazar dəyərlərinin artmağa davam edəcəyi gözlənilir.
Daha çox
İnvestisiya
kateqoriyasından
