əqəmsal dünyanın effektlərinin gündəlik həyatınızın bir hissəsi olmasını istərdinizmi? Emin Demircinin Rimpski adlı dizaynı, üz xəritəsi və proyeksiya texnologiyasından istifadə edərək istifadəçinin üzünə istədiyi rəqəmsal effekti tətbiq etməsini təmin edirdi. Daha analoq bir təcrübə yaşamağı vəd edən və istifadəçiyə xarici dünyanı filtrdən keçirməyə imkan verən psixodelik eynək MOOD-dan bəhs etmədən keçə bilmərəm. Növbəti sehrli eynəklərimiz isə Snap Goggles-dur.
Danimarkada yerləşən Swift Creatives dizayn studiyası tərəfindən hazırlanmış Snap Goggles, Snapchat effektli eynək ilə dünyanın daha yaxşı görünəcəyini düşünənlərə xitab edir. Bu eynəklərlə, rəqəmsal mühitdə olduğu kimi fiziki aləmə də gülməli filtrlər tətbiq etmək mümkündür. Snap Goggles, ən son virtual reallıq (VR) texnologiyasını ən populyar Snapchat filtrləri ilə birləşdirir.
Eynəklər çox modern və dəbli bir görünüşə sahibdir. Eynəklərin bu görünüşü istifadəçilərin əyləncəli təcrübəsini zövqlü bir xarici görünüş ilə tamamlayır. Çərçivəyə quraşdırılmış kamera da kənardan aydın şəkildə görünür. Snap Goggles'ı fərqli və asanlıqla tanınan bir məhsul halına gətirmək üçün belə bir dizayn tətbiq edilmişdir. Snapchat-dən fərqli olaraq, bu eynəklərlə əldə etdiyiniz VR təcrübəsi heç bir şəkildə qeyd olunmur. Şəkillər yalnız istifadəçi tərəfindən real vaxtda görünə bilinir.
Daha çox
Texnologiya
kateqoriyasından
