5-ci "CanSat Azərbaycan 2023" tələbə model peyk müsabiqəsinin qalibləri elan edilib
Sayca 5-ci dəfə keçirilən "CanSat Azərbaycan 2023" tələbə model peyk müsabiqəsinin qalibləri elan edilib. 1-yerin qalibi ADA Universiteti - CanStellar, 2-ci yerin qalibi Xəzər Universiteti - XəzərSat, 3-cü yerin qalibi isə Milli Aviasiya Akademiyası - BadCube olub. “CanSat Azərbaycan” müsabiqəsi ali təhsil müəssisələrinin tələbələri üçün nəzərdə tutulub. Müsabiqənin şərtlərinə əsasən, komandalar tərəfindən kiçik peyk modeli hazırlanır. Model müəyyən edilmiş hündürlükdən buraxıldıqdan sonra yerə enərkən və eniş fazasından sonrakı müddətdə təyin olunmuş missiyanı yerinə yetirir.
Spotify qurucusunun yeni startapına milyon avroluq investisiya
Spotify-ın qurucusu Daniel Ek-in sağlamlıq startapı Neko Health 60 milyon avroluq investisiya alıb. Lakestar A seriyasının investisiya turuna rəhbərlik edib. İnvestisiyanın digər iştirakçıları arasında Atomico və General Catalyst yer alıb. Neko Health 2018-ci ildə Hjalmar Nilsonne və Spotify qurucusu Daniel Ek tərəfindən yaradılıb. Şirkətin məqsədi xəstəliklərə erkən diaqnoz qoymaq və xəstəliklərə qarşı profilaktik tədbirlər görməkdir.
PlayStation 5 Slim-in çıxış tarixi məlum olub
Microsoft, ABŞ-dakı məhkəmə prosesində Sony-nin gələcək planları ilə bağlı açıqlama verib. Microsoft-un iddiasına görə, Sony bu ilin sonunda PlayStation 5 Slim versiyasını təqdim edəcək. Mövzu ilə bağlı Sony-dən heç bir açıqlama gəlməyib.
Google-un Pixel 8 Pro modelinin şəkilləri Reddit-ə sızıb
Bazar ertəsi Reddit-ə sızan fotoşəkillərdə Pixel 8 Pro-nun ön və arxa hissəsinin şəkilləri görüntülənib. Dizaynı digər Pixel cihazlarına bənzəsə də, Pixel 7 Pro ilə müqayisədə nəzərəçarpacaq fərqlər müşahidə olunub. Şəkillər tez bir zamanda Reddit-dən silinib.
Təhsil texnologiyaları startapı "Kinnu" 6,5 milyon dollar investisiya alıb
Londonda yerləşən təhsil texnologiyaları startapı "Kinnu", LocalGlobe və Cavalry Ventures-in rəhbərlik etdiyi investisiya raundunda 6,5 milyon dollar toplayıb. Tura Spark Capital və Jigsaw-dan əlavə, Google Ventures-dən Tom Hulme, Snyk-dən Guy Podjarny və Moonbug Entertainment-in qurucusu Rene Rechtman qatılıb. 100.000-dən çox yükləmə ilə "Kinnu" elm, tarix və psixologiya kimi mövzularda fərdiləşdirilmiş təlim məzmunu yaratmaq üçün süni intellektdən istifadə edən startapdır.
Instagram-ın Twitter-dəki rəqibi Threads-in veb-saytı aktivləşib
Twitter-in rəqibi olan yeni Threads proqramının iyulun 6-da istifadəyə verilməsi planlaşdırılır. Baxmayaraq ki, onun veb-saytı hazırda əlçatandır. Bu, sabah iOS üçün istifadəyə veriləcək Threads proqramı üçün ilkin təəssüratları yaradır. Tətbiq çox güman ki, Android üçün də əlçatan olacaq.
McDonald's sürpriz bir toy paketi açıqlayıb
McDonald's, 100 qutu mcnuggets-i 400 manatlıq toy paketi olaraq təqdim edib. Dəbdəbəli seçimlər əvəzinə, bu paket McNuggets və Big Mac-i bütün yaxınlarınızla bölüşməyi təklif edir. Paket McDonald's İndoneziya tərəfindən buraxılıb. Hazırda yalnız ölkənin paytaxtı Cakartada mövcuddur.
Daha çox
Daily
kateqoriyasından
