iPhone 18 Pro seriyasının qiymətinin əvvəlki nəsillərlə müqayisədə daha yüksək ola biləcəyi ilə bağlı iddialar güclənir.
Bazar analitiklərinin və təchizat zəncirinə yaxın mənbələrin qiymətləndirmələrinə görə, Apple-ın növbəti flaqman modelinin başlanğıc qiyməti 1.299 dollar səviyyəsinə yüksələ bilər. The Wall Street Journal və digər sənaye mənbələrinin təhlillərində qeyd olunur ki, yeni nəsil iPhone modellərində istifadə ediləcək komponentlərin maya dəyərinin artması qiymətlərə təsir göstərə bilər. Xüsusilə daha inkişaf etmiş süni intellekt funksiyaları, yeni nəsil çiplər və kamera sistemləri əlavə xərc yaradan əsas amillər arasında göstərilir.
Məlumata görə, Apple iPhone 18 Pro modelində daha mürəkkəb və bahalı kamera modullarından istifadə etməyi planlaşdırır. Analitiklər hesab edirlər ki, bu yeniliklər bəzi konfiqurasiyalarda qiymətin 1.399 dollara qədər yüksəlməsinə səbəb ola bilər.
Apple rəhbəri Tim Cook daha əvvəl şirkətin qiymət siyasətinin məhsula əlavə olunan texnologiyalar və bazar şərtləri ilə əlaqəli olduğunu bildirib. Bununla belə, şirkət iPhone 18 seriyasının rəsmi qiymətləri barədə hələ heç bir açıqlama verməyib.
Hazırda səsləndirilən rəqəmlər analitik proqnozlarına və bazar qiymətləndirmələrinə əsaslanır. iPhone 18 seriyasının yekun texniki xüsusiyyətləri və qiymətləri isə ənənəvi olaraq təqdimat tədbiri zamanı açıqlanacaq.
Daha çox
Daily
kateqoriyasından
