Google Gemini tətbiqində SAT imtahanı üçün pulsuz və tamformatlı sınaq testlərini istifadəyə verib.
Google şirkəti Gemini süni zəka tətbiqində SAT imtahanı üçün tam formatlı, pulsuz sınaq testləri istifadəyə verib. Bu yeni hazırlıq xidməti The Princeton Review ilə birgə tərtib olunub və tələbələrə real imtahan şəraitinə yaxın təcrübə təklif edir.
Yeni xüsusiyyət sayəsində istifadəçilər Gemini tətbiqində sadəcə “I want to take a practice SAT test” (pulsuz SAT sınaq testini vermək istəyirəm) kimi sadə bir sorğu yazmaqla tam uzunluqlu SAT testlərini işə sala bilərlər. Təqdim olunan testlər SAT-ın oxu, yazı və riyaziyyat bölmələrini əhatə edir və real imtahan strukturunu əks etdirir.
Test tamamlandıqdan dərhal sonra Gemini nəticə verir, güclü və zəif tərəfləri göstərir, səhv cavabları izah edir və tələbənin növbəti hazırlıq mərhələsi üçün fərdiləşdirilmiş plan təklif edir. Beləliklə, tələbələr öz bilik boşluqlarını daha dəqiq müəyyən edə və daha hədəflənmiş şəkildə hazırlana bilərlər.
Daha çox
Daily
kateqoriyasından
