"Google" təhsil sahəsinə yönəlmiş yeni süni intellekt platforması "Gemini for Education"u istifadəyə verib. Bu sistem müəllim və şagirdlər üçün səsli və vizual xülasələr, eləcə də “Gem” adlı virtual təlimçilər vasitəsilə fərdi öyrənmə imkanı təqdim edir.
Platformanın əsas versiyası pulsuz olacaq, lakin genişləndirilmiş imkanlar üçün aylıq 18 dollar ödəniş tələb olunacaq. "Gemini" mövcud "Google Workspace" sisteminə inteqrasiya edilərək məktəblərdə istifadəyə hazır vəziyyətdə təqdim edilir.
