"HackAzerbaijan" kibertəhlükəsizlik respublika yarışına start verilir | DailyNews 14.07

SmartPulse, Toshiba-dan təxminən 18 milyon dollar dəyərində investisiya aldı

‍

SmartPulse startapı Toshiba-nın enerji mərkəzli qolu olan Energy Systems & Solution Corporation-dan təxminən 18 milyon dollar dəyərində investisiya aldı.  Yeni nəsil rəqəmsal enerji idarəetmə platforması kimi xidmət verən SmartPulse, diqqəti ağıllı enerji ticarəti konsepsiyasına yönəldir.  Əşyaların interneti infrastrukturu ilə birlikdə obyektləri real vaxt rejimində izləyə bilən SmartPulse eyni zamanda qabaqcıl süni intellekt texnologiyası ilə bütün prosesi dəstəkləyir.  Toshiba Energy Systems & Solutions Corporation qlobal miqyasda SmartPulse ilə əməkdaşlıq edərək bərpa olunan enerjinin balanssızlığı riskini azaltmağı hədəfləyir.

‍

Xbox istifadəçiləri oyun oynayarkən uyğun olmayan səsli söhbətləri şikayət edə biləcəklər 

‍

Onlayn oyunlarda ən çox rast gəlinən vəziyyətlərdən biri səsli söhbət zamanı bəzən uyğun olmayan ifadələrə məruz qalmaqdır. Narazılığa səbəb olan bu kimi halları minimuma endirmək üçün Xbox belə bir təhlükəsizlik sistemi yaratmağı hədəfləyib. Xbox istifadəçilərin oyun oynayarkən uyğun olmayan səsli söhbətlər barədə məlumat verə bilməsi üçün üzərində işlədiyi yeni təhlükəsizlik funksiyasını sınaqdan keçirdiyini açıqladı. Xbox Insider-in Xbox Alpha və Alpha-skip üzvlərinə təklif etdiyi xüsusiyyət narahatedici söhbətlərin yazılmasına və bildirilməsinə imkan verəcək. Bu yeni xüsusiyyət ilə oyun oynarkən sizi narahat edən söhbəti 60 saniyə müddətində qeyd edə biləcəksiniz.  Uyğun olmayan söhbətlə qarşılaşan oyunçular qeyd etdikləri görüntüləri nəzərdən keçirmək üçün Xbox Təhlükəsizlik Komandası ilə paylaşa biləcəklər. Bu funksiya səsli söhbətdən istifadə edən demək olar ki, istənilən oyunda işləyəcək. Oyunçuların oyun oynayarkən özlərini rahat hiss etmələri üçün hazırlanmış bu xüsusiyyət indi insanlara mümkün qədər rahatlıq və təhlükəsizlik təmin edir. Həmçinin bildirildi ki, oyun zamanı qeyd edilən bu söhbətlər heç kimlə paylaşılmayacaq. Səsli söhbət hesabatı hazırda Xbox Insider proqramı vasitəsilə ABŞ, Kanada, Böyük Britaniya, İrlandiya, Avstraliya və Yeni Zelandiyada mövcuddur. Bununla belə, zamanla digər dillərə də dəstəyin əlavə ediləcəyi vurğulanıb. Hazırda sınaq mərhələsində olan bu funksiyanın nə vaxt istifadəyə veriləcəyi hələ ki məlum deyil.

"HackAzerbaijan" kibertəhlükəsizlik respublika yarışına start verilir

Kiber Təhlükəsizlik Platforması Azərbaycan 2023-cü il üçün nəzərdə tutulan ən böyük layihə proqramı "HackAzerbaijan" respublika yarış proqramına start verir. Keçən il yarışma proqramı 3 əsas istiqamətdə “CTF”, “Fikir yarışması” və “Bug Hunter” olaraq həyata keçirilmişdi. Lakin yeni layihənin genişləndirilmiş və tam fərqli bir formatda respublika səviyyəli kibertəhlükəsizlik yarış proqramı olacağı gözlənilir.

Galaxy S24 Ultra, bənzərsiz bir batarya ilə gəlir

Samsung-un 2024-cü ilin əvvəlində təqdim edilməsi gözlənilən yeni telefonu Galaxy S24 Ultra maraqlı bir texnologiya ilə qarşımıza çıxa bilər. Samsung-un gözlənilən yeni batareya texnologiyası ilə S24 Ultra unikal batareyaya sahib olacaq. Bu yeni texnologiya ilə Galaxy S24 Ultra əvvəllər Samsung telefonlarında görülməmiş 65 W sürətli şarjı dəstəkləyə biləcək. Həm S24 Ultra, həm də S24+ batareyalarının 5000 mAh tutumunun olacağı bildirilir.

iOS 17 və Android 14 ilə birlikdə yüzlərlə yeni emoji gəlir!

‍

İstifadəçilər tez-tez telefonlarında yeni emojiləri görməyi sevirlər. Belə ki, iOS 17 və Android 14-də bir çox yeni emojilərlə rastlaşa bilərik. 17 iyul Dünya Emoji Günü ilə əlaqədar "Emojipedia" tezliklə istifadəçilərin əlinə keçə biləcək bəzi yeni emojilərin şəkillərini yayımladı. Bu emojilərlə 3600-dən çox mövcud emoji sayının artması gözlənilir. Nəzərinizə çatdıraq ki, Emojipedia-da gördüyünüz emoji şəkilləri son dizayn deyil. Beləliklə, şirkətlər bu emojiləri əlavə etməzdən əvvəl öz dizaynlarına uyğun dəyişikliklər edə bilərlər.

WhatsApp avatarlar ilə bağlı yeni funksiyalar elan edib

WhatsApp avatarları ilə bağlı yeniliklər gəlir. Şirkət rəsmi Twitter hesabında artıq istifadəçilərin selfi çəkərək avatar yarada biləcəyini və söhbətlərdə istifadə oluna biləcək daha çox avatar stikerinin olduğunu açıqlayıb. Bundan əlavə, WABetaInfo, önümüzdəki vaxtlarda animasiyalı avatar stikerlərinin də təklif ediləcəyini bildirib.

‍