Lenovo Mobile World Congress 2026 çərçivəsində “AI Workmate” adlı yeni robot qol konseptini nümayiş etdirib.
Barselonada keçirilən Mobile World Congress 2026 sərgisində təqdim olunan cihaz süni intellektlə işləyən masaüstü köməkçi kimi təsvir olunur.
“AI Workmate” səsli əmrlərlə idarə olunan robot qol formasında hazırlanıb və ofis mühitində gündəlik tapşırıqları avtomatlaşdırmağa yönəlib. Cihaz sənədləri skan edə, mətnləri analiz edərək qısa xülasələr çıxara və təqdimat materialları hazırlaya bilir. Bundan əlavə, proyeksiya funksiyası vasitəsilə hazırlanmış məzmunu birbaşa divara və ya səthə əks etdirmək imkanı təqdim edir.
Lenovo konsepti məhsuldarlığı artıran “iş yoldaşı” kimi təqdim edir. Şirkətin yanaşmasına görə, bu tip süni intellekt əsaslı fiziki qurğular istifadəçinin rəqəmsal və fiziki iş mühitini birləşdirərək daha çevik və interaktiv iş prosesi yarada bilər.
