OpenAI fevral ayından etibarən ChatGPT-də istifadə olunan bəzi köhnə modelləri, o cümlədən 2024-cü ildə təqdim edilən GPT-4o-nu platformadan çıxaracağını açıqlayıb.
Şirkət qərarı yeni nəsil modellərin, xüsusilə GPT-5.2-nin geniş yayılması və GPT-4o-dan istifadə edənlərin payının cəmi 0,1 faiz olması ilə əsaslandırır.
2024-cü ildə təqdim edilən və geniş istifadə olunan GPT-4o modeli fevral ayından etibarən ChatGPT-dən tamamilə çıxarılacaq. GPT-4o may 2024-dən bəri istifadədə idi, lakin GPT-5 və digər yeni modellərin çıxması ilə populyarlığını itirib. GPT-4o ötən ilin avqustunda artıq platformadan çıxarılmışdı. Lakin istifadəçilərin reaksiyasından sonra ödənişli istifadəçilər üçün geri qaytarılmışdı.
