Project Genie oyun sənayesində narahatlıq yaradıb
Google tərəfindən təqdim edilən Project Genie adlı yeni süni intellekt aləti qlobal oyun sənayesində ciddi müzakirələrə və bazarlarda ehtiyatlı reaksiyalara səbəb olub. Texnologiyanın təqdimatından sonra bir sıra iri oyun şirkətlərinin səhmlərində eniş müşahidə edilib.
Xüsusilə Roblox, Take-Two Interactive, Unity Software və CD Projekt SA kimi oyun sənayesində mühüm paya malik şirkətlərin səhmləri açıqlamadan sonra dəyər itirib. Bu eniş birbaşa Project Genie-nin mövcud imkanları ilə deyil, onun gələcəkdə oyun istehsal prosesini köklü şəkildə dəyişə biləcəyi ehtimalları ilə bağlıdır.
Project Genie istifadəçilərə minimal vizual məlumatlar və nümunələr əsasında interaktiv virtual oyun mühitləri yaratmaq imkanı verir. Ənənəvi oyun inkişafında tələb olunan uzunmüddətli proqramlaşdırma, dizayn və test mərhələlərinin süni intellekt vasitəsilə qismən avtomatlaşdırıla biləcəyi ehtimalı investorları narahat edən əsas məqamlardandır. Bu, xüsusilə oyun mühərrikləri və platforma xidmətləri təqdim edən şirkətlər üçün risk kimi qiymətləndirilir.
Daha çox
Biznes
kateqoriyasından
