Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
Rus kosmonavtı kosmosda 1000 gün keçirən ilk insan olub!
Rusiyalı kosmonavt Oleq Kononenko iyunun 5-də kosmosda 1000 gün qalan ilk insan kimi tarixə düşüb. Daha əvvəl kosmosda ən çox vaxt keçirmə rekordu 878 gün 11 saat 29 dəqiqə 48 saniyə ilə Gennadi Padalkada olub.
Kononenko isə bir səfərdə bu rekordu qıra bilməyib. Kosmonavt bu rekordu beşinci dəfə kosmosa getdikdən sonra yeniləyib. Üstəlik, Kononenko gələcəkdə başqa missiyalarda kosmosa qayıdacaq.
Galaxy Watch 7 və Ultra-nın xüsusiyyətləri ortaya çıxıb
"Samsung"un yeni ağıllı saatları Galaxy Watch 7 və Galaxy Watch Ultra-nın bütün xüsusiyyətləri üzə çıxıb.
"Samsung" şirkəti Galaxy Watch 7-ni iki fərqli ölçüdə təqdim edəcək: 40 mm və 44 mm. 40 mm-lik modelin akkumulyatoru 300 mAh, 44 mm-lik modelin isə 425 mAh batareya tutumu var. Material baxımından Armor Aluminium 2 korpusu və sapfir şüşə ekranı ilə möhkəm bir dizayn təqdim edir.
Bundan əlavə, 5ATM suya davamlı, IP68 və MIL-STD-810H sertifikatları sayəsində toza və zərbəyə də davamlıdır. 2000 nit parlaqlığa çata bilən ekranla günəşin ən parlaq olduğu vaxtlarda belə ekranı asanlıqla görə biləcəksiniz. Performans və enerji səmərəliliyi artımı da 3nm prosessorla əldə edilir. O, həmçinin 32 GB daxili yaddaşa malik proqramlar və məlumatlar üçün çoxlu yer təklif edir.
Keçid edək Galaxy Watch Ultra xüsusiyyətlərinə...
Əgər "daha böyük və daha güclü" bir cihaz ilə maraqlanırsınızsa, Galaxy Watch Ultra sizə uyğun ola bilər. 47 mm-lik korpus həqiqətən böyük ekran təcrübəsi təqdim edir. 590 mAh böyük batareya tutumu var. Cihaz titan Boz, Titan Gümüş və Titan Bej rəng seçimləri ilə 4-cü dərəcəli titan korpus və sapfir şüşə ekran qoruması ilə gəlir.
10ATM su izolyasiyası, IP58 və MIL-STD-810H sertifikatları ilə demək olar ki, bütün şərtlərə tab gətirə bilir. 3000 nit parlaqlığa çata bilən ekran ən parlaq günəş işığında belə aydın görüntü təmin edəcək. O, 3 nanometrlik prosessor və 32 GB daxili yaddaşla güclü performansa və çoxlu yaddaşa sahib olacaq. Galaxy Watch Ultra-nın qiymətinin 500 dollar civarında olacağı gözlənilir.
"Apple"ın gələcəyi bu cihaz ola bilər
"Apple" bir müddət əvvəl təqdim etdiyi Vision Pro ilə virtual reallıq dünyasına ilk addımını atmış oldu. Ancaq sözügedən cihaz qiymət və daşınma kimi səbəblərdən çox diqqət çəkmədi. Bu gedişatdan sonra isə şirkətin eynək şəklində oxşar bir cihaz təklif edəcəyi ilə bağlı söz-söhbətlər artmaya başladı. "Apple Glass" son patent müraciəti ilə yenidən gündəmə gəlib. Patentdə cihazın nazik və yüngül dizaynı ilə uyğun gələn mexanizmindən bəhs edilir.
“Adobe” istifadə şərtlərini dəyişdi
"Adobe" istifadəçilərindən yeni istifadə şərtlərini qəbul etməyi tələb edir ki, bu da onların məzmununa daxil ola biləcəklərini bildirir. Bu vəziyyət bir çox peşəkarların və yaradıcı istifadəçilərin mənfi reaksiyalarna səbəb olub.
"Adobe"nin yeni istifadə şərtlərinə xidmətlər və proqram təminatını təkmilləşdirmək məqsədilə istifadə etmək, çoxaltmaq, açıq nümayiş etdirmək, yaymaq, dəyişdirmək və istifadəçilərin məzmununu tərcümə etmək hüquqları daxildir. Şirkətin yeni istifadə şərtlərinin gələcək süni intellekt modellərini öyrətmək üçün istifadəçilərin məzmunundan istifadə etmək məqsədi daşıdığı düşünülür.
“Netflix” interfeysi dəyişir!
“Netflix” TV proqram dizaynını dəyişir. Mobil tətbiqdə təklif olunan bir çox yeniliklərin TV-yə gəlməsi gözlənilir. “Netflix” yenilənmiş ana səhifəni hələlik müəyyən abunəçiləri ilə beta rejimində sınaqdan keçirir.
Tokyo Bələdiyyəsi subaylar üçün tanışlıq proqramı hazırlayıb
Yaponiya tezliklə evlilik və doğuş nisbətlərini artırmaq məqsədilə hökumət tərəfindən hazırlanmış tanışlıq proqramı olan “Tokyo Futari Story”ni istifadəyə verəcək. Bununla belə, sosial şəbəkələrdə bəzi vətəndaşlar onlardan yığılan vergilərin bu şəkildə istifadə olunmasından narahat olduqlarını bildirirlər.
Daha çox
Daily
kateqoriyasından
