Polşalı ralli çempionu Miko Marczyk öz şəxsi Skoda Superb 2.0 TDI ilə bir yanacaq doldurma ilə 2.831 km məsafə qət edərək Guinness Dünya Rekordları Kitabına düşüb. Bu, bir avtomobillə ən uzun məsafə qət etmək rekordudur.
Marczyk Polşanın Lods şəhərindən başlayaraq Almaniya, Fransa, Niderland, Belçika və yenidən Almaniya üzərindən Polşaya qayıdıb. Səyahət zamanı temperatur 1°C-yə qədər düşüb, amma o, 80 km/saat sürətlə və sabit sürüş tərzi ilə məsafəni qət edib.
Avtomobilin mühərriki standart qalaraq, yalnız aşağı sürtünməli təkərlər və Sportline versiyasından alınan 15 mm aşağı asqı ilə aerodinamik performans artırılıb. Bu dəyişikliklər sayəsində 100 km-də cəmi 2,61 litr dizel istehlakı ilə 42,89 km/l yanacaq sərfiyyatı əldə edilib .
Skoda bu uğurun dizel mühərriklərinin uzun məsafəli səyahətlərdə hələ də effektiv olduğunu vurğulayır. Marczyk növbəti hədəf olaraq, bir yanacaqla 3.000 km məsafə qət etməyi planlaşdırır.
Daha çox
Daily
kateqoriyasından
