"Waymo" və "Toyota" əməkdaşlığa başlayır

"Waymo" və "Toyota" gələcəyin avtonom nəqliyyat texnologiyalarını inkişaf etdirmək üçün strateji əməkdaşlıq elan edib.

Bu tərəfdaşlıq çərçivəsində, hər iki şirkət sürücü yardım sistemləri və tam avtonom idarəetmə texnologiyalarını birgə inkişaf etdirəcək. Waymo CEO-su Tekedra Mawakana bildirib ki, bu əməkdaşlıq sayəsində "Toyota"nın bəzi modelləri gələcəkdə "Waymo"nun robotaksi parkına daxil ola bilər. "Alphabet"in CEO-su Sundar Pichai isə "Waymo"nun artıq yalnız robotaksilərə yox, fərdi avtomobil sahiblərinə yönəlik həllər üzərində də çalışdığını qeyd edib.