YouTube dil bariyerlərini aradan qaldırmaq üçün avtomatik dublyaj sistemini genişləndirib.
Sistem hazırda 27 dili dəstəkləyir. Yeniliyin əsas diqqətçəkən tərəflərindən biri Expressive Speech texnologiyasıdır. Bu sistem sadəcə mətnin başqa dilə çevrilməsi ilə kifayətlənmir, eyni zamanda danışanın səs tonu, vurğuları və emosional ifadə tərzini mümkün qədər hədəf dilə ötürməyə çalışır. Nəticədə dublyaj edilmiş videolar əvvəlki avtomatik səsləndirmələrdən daha təbii və axıcı səslənir.
Hazırda Expressive Speech texnologiyası ingilis, fransız, alman və ispan dilləri daxil olmaqla 8 dili əhatə edir. YouTube bildirir ki, bu siyahının gələcək mərhələlərdə mərhələli şəkildə genişləndirilməsi planlaşdırılır. Şirkətin məqsədi avtomatik dublyajı insan səsləndirməsinə mümkün qədər yaxınlaşdırmaqdır.
Bu texnologiya həm kontent yaradıcıları, həm də izləyicilər üçün yeni imkanlar açır. Yaradıcılar videolarını əlavə xərc və vaxt sərf etmədən daha geniş auditoriyaya təqdim edə biləcək, izləyicilər isə xarici dildə olan məzmunu daha rahat və anlaşılır formada izləmək imkanı qazanacaq.
Daha çox
Daily
kateqoriyasından
