2026 Dünya Çempionatı üçün ağıllı və şarj olunan futbol topu təqdim olunub.
2026 FIFA Dünya Çempionatı üçün hazırlanan yeni nəsil TRIONDA futbol topu oyundaxili texnologiyalar baxımından ən inkişaf etmiş toplardan biri hesab olunur. Topun daxilində yerləşdirilən xüsusi sensor sistemi saniyədə təxminən 500 dəfə məlumat toplayaraq oyunun gedişini real vaxtda analiz edə bilir.
Sistem topun sürətini, trayektoriyasını, fırlanmasını və oyunçuların toxunma anlarını yüksək dəqiqliklə izləyir. Top stadiondakı çoxsaylı yüksək sürətli kameralarla birlikdə işləyərək matçın tam 3D modelini formalaşdırır və məlumatları birbaşa VAR sisteminə ötürür.
Texnologiyanın əsas məqsədi xüsusilə ofsayt, əl ilə oynama və topun xətti keçib-keçməməsi kimi mübahisəli epizodlarda qərarların daha sürətli və dəqiq verilməsinə kömək etməkdir. Ekspertlər hesab edir ki, sensor əsaslı toplar yaxın illərdə peşəkar futbolun standart elementinə çevrilə bilər.
Maraqlı məqamlardan biri isə topun enerji ilə işləməsidir. TRIONDA daxilində yerləşdirilmiş elektron sistemlər səbəbilə hər oyundan əvvəl xüsusi şarj proseduru tələb olunur. Bildirilir ki, tam enerji ilə top təxminən 6 saata qədər fasiləsiz işləyə bilir.
Daha çox
Texnologiya
kateqoriyasından
