OpenAI və Anthropic AI inteqrasiyasını sürətləndirmək üçün yeni strukturlar yaradır.
OpenAI “The Deployment Company” adlı yeni birgə müəssisə yaratdığını açıqlayıb. Təxminən 10 milyard dollar dəyərində qiymətləndirilən bu təşəbbüsə TPG və Bain Capital kimi iri investisiya fondları da qoşulub. Layihənin əsas məqsədi süni intellekt texnologiyalarını birbaşa biznes proseslərinə inteqrasiya etməkdir. Bu çərçivədə OpenAI mühəndislərinin 1200-dən çox şirkətlə işləyərək AI həllərini yerində tətbiq etməsi planlaşdırılır.
Eyni istiqamətdə addım atan digər şirkət isə Anthropic-dır. Şirkət Blackstone, Goldman Sachs və Hellman & Friedman ilə birlikdə təxminən 1.5 milyard dollarlıq yeni struktur formalaşdırıb. Bu təşəbbüsün əsas məqsədi Claude alətlərini birbaşa şirkətlərin gündəlik əməliyyatlarına inteqrasiya etmək və AI istifadəsini daha praktik səviyyəyə çatdırmaqdır.
Hər iki təşəbbüs süni intellektin yalnız texnologiya kimi təqdim olunmasından çıxaraq birbaşa xidmət və infrastruktur modeli kimi bizneslərə daxil olmasına yönəlib. Bu yanaşma şirkətlərə AI-dan daha sürətli faydalanmaq imkanı versə də, eyni zamanda bazarda rəqabəti də artırır.
Daha çox
Texnologiya
kateqoriyasından
