Apple-ın yeni modelləri üçün həyəcanlı geri sayım başladı
Apple-ın yeni iPhone modellərinin təqdimatı ilə bağlı gözləntilər artır. Şirkətin 9 sentyabrda “Surprise and Shine” adlı tədbir keçirəcəyi və burada yeni iPhone modellərini təqdim edəcəyi bildirilir. Tədbirin əsas diqqət mərkəzində iPhone 18 Pro və iPhone 18 Pro Max modellərinin, həmçinin Apple-ın ilk qatlana bilən iPhone modelinin olacağı gözlənilir.
İddialara görə, qatlana bilən iPhone kitab formasında açılan konstruksiyaya sahib olacaq. Cihazın açıldıqda iPad mini ölçüsünə yaxın ekran təqdim edə biləcəyi, buna görə də adi iPhone modellərindən fərqli istifadə təcrübəsi yaradacağı bildirilir. Modelin qiymətinin isə mövcud Pro seriyasından daha yüksək olması gözlənilir.
Yeni iPhone-larla bağlı digər diqqətçəkən iddia isə standart iPhone 18-in bu il sentyabr təqdimatında yer almaya biləcəyidir. Apple-ın əvvəlcə Pro modellərini bazara çıxarması, standart iPhone 18-in təqdimatını isə 2027-ci ilə saxlaması ehtimal olunur.
Qeyd edək ki, bu məlumatların bir hissəsi hələlik şirkət tərəfindən rəsmi şəkildə təsdiqlənməyib. Apple-ın təqdimat tədbirində yeni cihazların dizaynı, texniki xüsusiyyətləri və satış tarixləri ilə bağlı daha dəqiq məlumatların açıqlanması gözlənilir.
Daha çox
Texnologiya
kateqoriyasından
