Apple, Meta, Visa, Coca-Cola kimi şirkətlər Azərbaycanda səfərdə!

Qlobal texnologiya və sənaye nəhənglərinin nümayəndələri Azərbaycanda səfərdədir.

Azərbaycan Prezidenti İlham Əliyev fevralın 9-da ABŞ Ticarət Palatasının beynəlxalq üzvlərlə əlaqələr, Yaxın Şərq və Türkiyə üzrə baş vitse-prezidenti Kush Choksy-nin rəhbərlik etdiyi nümayəndə heyətini qəbul edib. Nümayəndə heyətinə “Apple”, “Meta”, “Visa”, “Boeing Global”, “ExxonMobil”, “Shell International”, “Mastercard”, “Ericsson AB”, “Honeywell”, “J.P. Morgan”, “Marriott”, “Motorola Solutions”, “Azerbaijan Coca-Cola Bottlers” MMC və digər aparıcı şirkətlərin rəhbər şəxsləri daxildir.

Görüşdə Azərbaycanla beynəlxalq şirkətlər arasında əməkdaşlıq imkanları, investisiya perspektivləri və iqtisadi tərəfdaşlığın genişləndirilməsi məsələləri müzakirə olunub.

‍