Baku Flames 2026 Beynəlxalq və Azərbaycan Mükafatları üzrə bütün qaliblər elan edildi!

Baku Flames 2026 qalibləri açıqlandı – “Blue Flame” və “Green Flame” mükafatları təqdim olundu.

Bakı şəhərində keçirilən Baku Flames Festival-ın II buraxılışı “Human After All” mövzusu altında başa çatıb. Festivalın final mərhələsi 16 may axşamı Elektra Events Hall-da keçirilən Mükafatlandırma Şousu ilə yekunlaşıb və həm beynəlxalq, həm də ilk dəfə təsis olunan Azərbaycan Mükafatlarının qalibləri elan edilib.

Festival çərçivəsində iki əsas istiqamət üzrə nəticələr təqdim olunub: Beynəlxalq Mükafatlar və Azərbaycan Mükafatları. Bundan əlavə, xüsusi olaraq “Blue Flame” Qran-prisi və Dayanıqlı İnkişaf Məqsədlərinə (SDG) həsr olunan “Green Flame” xüsusi mükafatı təqdim edilib.

Beynəlxalq Agentliklər – ümumi nəticələr

Toplam xallara əsasən beynəlxalq agentliklər üzrə sıralama belə olub:

• Ogency (Qazaxıstan) – 65 xal
• Synthesis Advertising Agency (Özbəkistan) – 59 xal
• Playmakers (Gürcüstan) – 58 xal
• GForce Grey (Qazaxıstan) – 53 xal
• Saatchi & Saatchi Ukraine (Ukrayna) – 47 xal

Beynəlxalq Brendlər – nəticələr

• Mars (Qazaxıstan) – 65 xal
• Citix (Qazaxıstan) – 53 xal
• Armed Forces of Ukraine & 4Help (Ukrayna) – 47 xal
• PSP (Gürcüstan) – 46 xal
• NASP (Özbəkistan) – 44 xal

Azərbaycan Mükafatları – ilk yerli yarış

Bu il ilk dəfə təsis olunan Azərbaycan Mükafatları (Azerbaijan Awards) yerli kreativ sənaye üçün ayrıca qiymətləndirmə platforması yaradıb. Münsiflər heyətinə sənaye peşəkarları daxil olub və heyətə Arda Erdik rəhbərlik edib. Bütün işlər həm beynəlxalq, həm də yerli kateqoriyalarda ayrıca qiymətləndirilib.

“Blue Flame” Azərbaycan Qran-prisi

Festivalın əsas yerli mükafatı olan Blue Flame Qran-prisi “Advertising Campaigns” kateqoriyasının “Social Impact Campaigns” bölməsində Endorphin reklam agentliyinin “Offline Qadınlar” layihəsinə verilib.

Layihə həm yerli, həm də beynəlxalq müstəvidə çoxsaylı mükafatlar qazanıb:

• Yerli: Qızıl (Social Impact Campaigns), Gümüş (Direction), 3 Bürünc (PR, Creative Strategy, Film)
• Beynəlxalq: Gümüş (Media, Digital Platforms, Strategy, SDG), 2 Bürünc (Advertising Campaigns, Film)

Azərbaycan layihələri üzrə əsas qaliblər

Connect & Engage istiqaməti

• Vibe&Wave – “Əngəlsiz Bankçılıq” (Social Impact PR, Qızıl)
• BBDO Baku – “City Transport Social Initiative” (Outdoor Media & PR, Gümüş)
• VarYox – “Rooted Hands” (Reactive PR, fərqlənən işlər)
• Popeyes Azerbaijan – “Out of Queue” (Reactive PR, fərqlənən işlər)

Core istiqaməti

• Popeyes Azerbaijan – “Out of Queue” (Low Budget Campaigns, Qızıl)
• Kontakt – “Closer to Education” (CSR, Qızıl)
• PASHA Malls – “Victory Day by PASHA Malls” (Viral Videos, Qızıl)
• Kollektiv Kultur / Leobank – (kateqoriyalar üzrə fərqlənən işlər)

Festivalın ümumi məqsədi

Təşkilatçılar bildiriblər ki, Baku Flames sənaye peşəkarlarını bir araya gətirərək ideya mübadiləsi, qlobal ekspert təcrübəsi və ölçülə bilən kreativ həllərin qiymətləndirilməsini hədəfləyir. 2026 buraxılışı “Human After All” mövzusu ilə insan mərkəzli kreativliyin önə çıxarılmasına fokuslanıb və regionda yaradıcı sənayenin inkişafı baxımından yeni mərhələ kimi qiymətləndirilir.

‍