ətndən vizual, video və musiqi kompozisiyası yaradan “Dora AI” adlı dizayn aləti süni intellektdə növbəti bir səviyyədir. Generativ süni intellektlə təchiz edilmiş yeni dizayn aləti “Dora AI” tək bir mətn sətrinə əsaslanan veb-sayt yarada bilir. Kodsuz veb-sayt yaratmağı son dərəcə asanlaşdıran süni intellekt aləti sadə görünüşlərdən dinamik üçölçülü dizaynlaradək bir sıra müxtəlif şablonlar yaratmaq qabiliyyəti ilə seçilir.
Etməli olduğunuz yeganə şey “SpaceX starship üçün veb-sayt dizaynı” kimi sadə mətn sorğusu ilə Dora AI-ya sorğu göndərməkdir. Əmrə görə veb-sayt yaradan generativ süni intellekt daha sonra ona yönləndirilən “3D modellə əvəz et” kimi başqa bir sorğu ilə birbaşa düzəlişlər edir. Mətndən veb-saytlar tərtib edən alət üçölçülü elementlərlə animasiya da yarada bilir. Bundan əlavə, obyektdə dəyişikliklər etməklə animasiya prosesini avtomatlaşdırır və onun yaradılmasına sərf olunan vaxtı qısaldır.
“Dora AI”ın baş dizayneri Faye Zheng bildirir ki, bu məhsuldar süni intellekt modeli ilə onlar texniki və öyrənmə maneələrini dəf etməyi, fərdləri və komandaları qeyri-məhdud dizayn çevikliyi ilə gücləndirməyi hədəfləyirlər.
