Generativ süni intellekt bazarında rəqabət daha da kəskinləşir və lider platformaların pay bölgüsündə dəyişikliklər müşahidə olunur.
Similarweb tərəfindən paylaşılan məlumatlara görə, ChatGPT platformasının trafik payı son bir il ərzində 77%-dən 56%-ə enib.
Analitiklərin fikrincə, bu azalma istifadəçi marağının azalmasından daha çox bazara yeni və güclü alternativlərin daxil olması ilə bağlıdır. Xüsusilə Gemini sürətlə yüksələrək bazarın təxminən dörddə birini əhatə etməyə başlayıb. Bu artım Google-un AI sahəsində aktiv inkişaf strategiyası ilə əlaqələndirilir.
Eyni zamanda, Claude da qısa müddətdə payını artıraraq 6%-dən yuxarı səviyyəyə çatıb. Bu platforma daha çox təhlükəsizlik və etik yanaşmaya fokuslanması ilə seçilir və müəyyən istifadəçi qrupları arasında populyarlıq qazanır.
Digər oyunçular arasında isə DeepSeek-in yenidən Grok-u geridə qoyduğu bildirilir. Bu dəyişikliklər bazarda yalnız iri şirkətlər arasında deyil, daha yeni iştirakçılar arasında da ciddi rəqabətin getdiyini göstərir.
Daha çox
Texnologiya
kateqoriyasından
