Claude Opus 4.6 təqdim olundu!

Anthropic şirkəti uzun və mürəkkəb tapşırıqlar üçün optimallaşdırılmış yeni süni intellekt modeli Claude Opus 4.6-nı istifadəyə verib.

Model agent əsaslı kodlaşdırma, uzunmüddətli məntiqi düşünmə və böyük kod bazalarında işləmə qabiliyyətlərini əhəmiyyətli dərəcədə yaxşılaşdırır. İlk dəfə olaraq Opus sinfinə aid model beta mərhələsində 1 milyon tokenlik kontekst pəncərəsini dəstəkləyir ki, bu da çox böyük sənədlər və məlumat loqları ilə paralel işləməyə imkan yaradır.

Anthropic bildirir ki, Opus 4.6 kodlaşdırma, məntiq, axtarış və bilik işi üzrə bir sıra sənaye testlərində lider nəticələr göstərir. Yeniləmə həmçinin Claude-un Excel, PowerPoint, Claude Code və API versiyalarına da tətbiq olunub və daha avtonom iş axınlarını dəstəkləyir.

‍