Claude rəqiblərinə yaddaş köçürmə zərbəsi - "Söhbət tarixçələrini də götür, gəl"

ChatGPT və Gemini söhbətlərini Claude-a daşımaq olacaq.

Anthropic Claude üçün “Yaddaş İdxalı” funksiyasını istifadəyə verib. Yeni imkan sayəsində istifadəçilər OpenAI-ın ChatGPT-si və digər AI platformalarındakı söhbət tarixçələrini və şəxsi seçimlərini Claude-a köçürə bilirlər.

Sistem əvvəlki platformada xüsusi promptla məlumatların ixracını, daha sonra isə Claude-a əlavə olunmasını nəzərdə tutur. Beləliklə, istifadəçi sıfırdan başlamır və əvvəlki kontekst qorunur. Diqqətçəkən məqam isə yaddaş funksiyasının yalnız ödənişli deyil, pulsuz istifadəçilər üçün də əlçatan olmasıdır.

Necə köçürülür?

• ChatGPT və ya digər AI platformasında xüsusi export komandası işə salınır
• Söhbət tarixçəsi və istifadəçi seçimləri fayl kimi çıxarılır
• Yaradılan məlumat Claude sisteminə əlavə edilir
• Claude həmin məlumatları öz yaddaşına yazır və kontekst əsasında davam edir
• Funksiya həm ödənişli, həm də pulsuz istifadəçilər üçün əlçatandır

‍