Çin mənşəli DeepSeek startapı süni intellekt sahəsində yeni bir mərhələyə imza atıb. Şirkət ilk dəfə olaraq Beynəlxalq Riyaziyyat Olimpiadasında (IMO) qızıl medal səviyyəsinə çata bilən açıq süni intellekt modeli Math-V2-ni təqdim edib. Model, yalnız 8% insan iştirakçısının nail olduğu yüksək nəticəyə, sadəcə cavab verməklə kifayətlənməyib, eyni zamanda mürəkkəb məntiqi düşünmə və problem həll etmə bacarıqlarını nümayiş etdirərək qızıl səviyyəyə yüksəlib.
DeepSeek Math-V2 modelini Hugging Face və GitHub kimi inkişaf etdirici platformalarda pulsuz olaraq təqdim edib. Bu, tədqiqatçılar, tələbələr və süni intellekt sahəsində maraqlı olan hər kəs üçün modeli işlətmək, təkmilləşdirmək və fərdi layihələrdə istifadə etmək imkanı yaradır. Hugging Face-in həmtəsisçisi və baş icraçı direktoru Clement Delangue bildirir ki, istifadəçilər dünyanın ən yaxşı riyaziyyatçılarından birinin “beyni”ni öyrənə, modelləri optimallaşdıra və öz avadanlıqlarında işlədə bilərlər.
DeepSeek-in bu addımı, süni intellekt və təhsil texnologiyalarının demokratikləşdirilməsi baxımından böyük əhəmiyyət daşıyır. Modelin açıq şəkildə təqdim olunması, elmi araşdırmaların inkişafına dəstək verir, tədqiqatçılara yeni eksperiment imkanları açır və süni intellekt texnologiyalarının geniş təcrübə və təhsil məqsədli istifadəsini təşviq edir. Math-V2, süni intellektin mürəkkəb riyazi problemləri insan səviyyəsində həll edə bilməsi imkanlarını nümayiş etdirərək, AI texnologiyalarının tədqiqat və təhsil sahəsində rolunu gücləndirir.
