Google Gmail üçün süni intellektə əsaslanan yeni yeniləmələr elan edib. Əsas yeniliklərdən biri fərdiləşdirilmiş AI Inbox funksiyasıdır.
Bu sistem “təklif olunan görüləcək işlər” və “yenilənməli mövzular” vasitəsilə vacib e-poçtları xülasə edir, alışlar və maliyyə bildirişləri kimi məlumatları qruplaşdırır.
Gmail-in axtarış sistemi də yenilənib. Artıq istifadəçilər AI xülasələrini (AI Overviews) birbaşa axtarış nəticələrində görə bilirlər.
Yeniləmələr çərçivəsində Gmail-ə Grammarly-yə bənzər Proofread funksiyası da əlavə olunub. Bu alət e-poçt qaralamalarının dilini, üslubunu və aydınlığını avtomatik şəkildə təkmilləşdirir. Yeni funksiyaların bir hissəsi mərhələli şəkildə AI Pro və AI Ultra adlı ödənişli paketlər üçün əlçatan olacaq. Əvvəllər yalnız pullu olan bəzi AI alətləri artıq bütün Gmail istifadəçiləri üçün istifadəyə açılıb.
