GTA seriyasındakı ikonik zəncir restoranı “Cluckin Bell” real həyatda xidmət etməyə başladı.
ABŞ-ın San Dieqo şəhərindəki restoran təkcə adı ilə deyil, həm də işçilərin geyindiyi paltarlarla da oyundakına bənzəyir.
![](https://cdn.prod.website-files.com/606b4d68b6171127160524a4/62e1419c675b5e164ec787ee_294591825_1086873938909728_551898499664602969_n.jpg)
Oyunlardakı təfərrüatlara diqqət edən oyunçusunuzsa, "Cluckin Bell" adını eşitmiş olmalısınız. Bu ad oyunda olan bir "fast food" şəbəkəsidir.
GTA-da sarı toyuq kostyumu geyən “NPC”ləri xatırlayırsınız? Sarı paltarları ilə birbaşa oyunda diqqət çəkən personajlar indi əsl restoran işçilərinə çevriliblər.
![](https://cdn.prod.website-files.com/606b4d68b6171127160524a4/62e141bfae02a057efba6d42_cluckin-bell-thumb.webp)
Restoranlar şəbəkəsi “Cluckin Bell”i “GTA” seriyasının demək olar ki, bütün oyunlarında görürük. Əgər Grand Theft Auto: San Andreas, Grand Theft Auto: Liberty City Stories, Grand Theft Auto IV, Grand Theft Auto: Liberty City-dən epizodlar, Grand Theft Auto: Chinatown Wars, Grand Theft Auto V, Grand Theft oyunlarından birini oynamısınızsa siz bu restoranı 100% görmüsünüz.
![](https://cdn.prod.website-files.com/606b4d68b6171127160524a4/62e141cc52e2780ac0a2facd_GTA-when-the-fictional-Cluckin-Bell-restaurant-opens-in-real.jpg)
Boy Worldwide adlı dizayner tərəfindən həyata keçirilən restoran layihəsi oyuna sadiq qalmaq istəyib. O, hətta burada oyuna daxil edilən Sprite-ın parodiyası olan Sprunk-u da satır.