Wimbledon tennis turniri kontent yaradıcılarının fəaliyyətinə dair yeni qaydalar tətbiq etməyə hazırlaşır.
Qərarın ABŞ Açıq Çempionatında bəzi kontent yaradıcılarının kamera, işıq və digər avadanlıqlardan istifadə etməsinin matçlara və tribunadakı azarkeşlərə mane olması ilə bağlı narazılıqlardan sonra qəbul edildiyi bildirilir.
Press Association-un məlumatına görə, London turniri bundan sonra influenserlərə media akkreditasiyası verməyəcək. Bununla yanaşı, jurnalistlər və ənənəvi media nümayəndələri üçün mövcud akkreditasiya sistemi qüvvədə qalacaq.
Turnir zamanı matçlara mane ola biləcək bəzi avadanlıqların tribunaya gətirilməsinə də məhdudiyyət qoyulacaq. Xüsusilə ring light kimi işıqlandırma vasitələrinin müsadirə ediləcəyi bildirilir. Məqsəd oyun zamanı səs-küyün və diqqəti yayındıran davranışların qarşısını almaqdır.
Associated Press-in məlumatına görə, ABŞ Açıq Çempionatında akkreditasiya alan kontent yaradıcılarının sayı ötən illə müqayisədə iki dəfə artıb. Bu tendensiya idman tədbirlərində ənənəvi media ilə sosial media kontent yaradıcıları arasında akkreditasiya və davranış qaydaları ilə bağlı müzakirələri də artırıb.
Daha çox
Yaradıcılıq
kateqoriyasından
