Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
“Instagram” paylaşımları WhatsApp-a gəlir!
“Instagram” və “WhatsApp” çarpaz paylaşım dəstəyi alır. Beləliklə, istifadəçilər “Instagram” hekayələrini birbaşa “WhatsApp”da da paylaşa biləcəklər. Bu yazıların WhatsApp Status bölməsində görünməsi gözlənilir.
"Instagram" Hekayələri hazırda "Facebook-da Paylaş" seçimi ilə birbaşa Facebook hesabına paylaşıla bilər. Yeni gələcək funksiya ilə bu xüsusiyyət "Instagram" üçün də əlçatan olacaq.
“Call of Duty: Black Ops 6” təqdim edildi
Bu yaxınlarda elan edilmiş yeni “Call of Duty” oyunu “Black Ops 6” bu gün rəsmi olaraq təqdim edildi. Oyun həm multiplayer, həm də zombi rejimləri ilə gələcək. Multiplayer rejimi 16 xəritə ilə debüt edəcək. Onlardan 12-si klassik 6v6, 4-ü isə 2v2 və ya 6v6 oynana bilən hücum xəritələri olacaq. Oyun 25 oktyabr 2024-cü ildə Xbox Series X/S, Xbox One, PlayStation 4, PlayStation 5 və PC üçün buraxılacaq.
“WhatsApp”a yeni funksiya gəlir!
“WhatsApp” media faylları bölməsinə cavab və emoji ilə reaksiya verə bilmək üçün qısa yol təqdim edəcək. Beləliklə, istifadəçilər sistemdən çıxmadan şəkil və ya videoya baxarkən emojilərlə reaksiya verə biləcəklər. Tətbiqin iOS versiyasının ən son beta versiyasında WABetaInfo tərəfindən görüntülənən bu xüsusiyyət media fayllarına tamamilə yeni qısa yollar gətirir. Funksiyanın əsas məqsədi istifadəçinin daha sürətli əlaqə saxlamasına imkan verməkdir.
"Instagram" DM-ə yeni funksiya gəlir!
Bu yeni funksiya DM qutusunu yeni qovluqlarla təchiz edəcək. Beləliklə, istifadəçilərə daha yaxşı və rahat mesajlaşma təcrübəsi təklif olunacaq. Bundan əlavə, bəzi mesajlar avtomatik olaraq həmin mesaj qovluqlarına yönləndiriləcək. Bu yolla, lazımsız bildirişlərə məruz qalmayacaqsınız.
"Microsoft" tamamilə rəqəmsal olan "Xbox Series X" konsolunu təqdim etdi
Dünən gecə “Xbox Games Showcase 2024” tədbiri baş tutdu. Tədbirin sonuna yaxın "Microsoft" izləyicilərə sürpriz etdi və 3 yeni “Xbox Series X/S” variantını təqdim edəcəyini açıqladı. Elan edilən yeni konsollar arasında ən diqqət çəkən isə tamamilə rəqəmsal "Xbox Series X" oldu.
Daha çox
Daily
kateqoriyasından
