Logitech 7 000 əməkdaşına GTA 6 oynamaq üçün ödənişli istirahət verir
Logitech şirkəti “Logi Game Day” adlı təşəbbüs çərçivəsində 7 000 əməkdaşına bir günlük ödənişli istirahət imkanı yaradır. İşçilər bu günü GTA 6 və ya seçdikləri istənilən başqa oyunu oynamağa ayıra biləcəklər.
Təşəbbüs rəhbərlərdən tutmuş təcrübəçilərə qədər şirkətin bütün əməkdaşlarını əhatə edir. Onlar qarşıdakı bir il ərzində özləri üçün uyğun vaxt seçərək bu imkandan istifadə edə biləcəklər.
Logitech hesab edir ki, oyun oynamaq sadəcə əyləncə deyil, həm də yaradıcılığı və motivasiyanı dəstəkləyən fəaliyyətdir. Şirkət bu təşəbbüslə oyun və iş həyatının bir-birinə zidd olmadığını, əksinə, düzgün balansın əməkdaşların məhsuldarlığına müsbət təsir göstərə biləcəyini vurğulayır.
Daha çox
Gaming
kateqoriyasından
