Steam-in dəstək xidməti qeyri-adi müraciətlə istifadəçisinin oyun kolleksiyasını bərpa edib.
Reddit-də 3lizardintrenchcoat adlı istifadəçi maniakal depressiv epizodlar zamanı aldığı və sevdiyi bir çox oyunu Steam kitabxanasından sildiyini bildirib. Daha sonra qərarından peşman olan istifadəçi platformanın dəstək xidmətinə müraciət edərək oyunların geri qaytarılmasını istəyib. Əgər bu mümkün deyilsə, heç olmasa əvvəllər sahib olduğu oyunların siyahısının təqdim edilməsini xahiş edib.
Müraciətdən bir gün sonra Lucy adlı Steam dəstək əməkdaşı istifadəçiyə cavab verib. O, istifadəçinin yaşadığı vəziyyəti anladıqlarını bildirərək bütün oyunların yenidən kitabxanaya əlavə edildiyini təsdiqləyib. Beləliklə, istifadəçi illər ərzində topladığı oyun kolleksiyasını yenidən əldə edib.
İstifadəçi Steam əməkdaşına göstərilən anlayış və diqqətə görə təşəkkür edib. O, gələcəkdə oxşar qərarların qarşısını almaq üçün artıq rəqəmsal gündəlik tutduğunu da qeyd edib. Hadisə Reddit istifadəçiləri arasında müsbət qarşılanıb və şirkətin müştəri dəstəyinə göstərdiyi yanaşmaya diqqət çəkib.
Daha çox
Gaming
kateqoriyasından
