NASA astronavt axtarır, illik 164 min dollar maaş təklif olunur
NASA yeni astronavt namizədləri üçün müraciət qəbuluna başlayıb. Seçilən şəxslərə illik 164 395 dollar maaş veriləcək. Namizədlərdən yüksək texniki bilik, müvafiq peşə təcrübəsi və ciddi fiziki hazırlıq tələb olunur. Agentlik kampaniyanı “Kainat səni çağırır” şüarı ilə təqdim edib.
Qəbul prosesi olduqca rəqabətlidir. NASA 2024-cü ildə 8 mindən çox müraciət arasından cəmi 10 nəfəri astronavt hazırlığına seçib. Yeni namizədlər agentliyin 32 nəfərlik aktiv astronavt heyətinə qoşulmaq imkanı əldə edəcəklər.
Seçilən astronavtlar gələcək Ay missiyalarında, o cümlədən Ayda baza qurulması və uzunmüddətli fəaliyyət planlarında iştirak edə bilərlər. Bu proqram həmçinin Marsa gələcək insanlı uçuşlara hazırlığın bir hissəsidir. Müraciətlərin qəbulu dekabrın 3-də başa çatır.
Daha çox
Texnologiya
kateqoriyasından
