NASA-nın Ay raketi atmosferdə nəhəng pozuntular yaradıb, GPS dəqiqliyinə təsir edib.
NASA-nın Artemis II missiyasında istifadə olunan SLS raketi aprelin 1-də atmosferin ionosfer qatında üç böyük pozuntu yaradıb. Araşdırmaya görə, bu təsir SpaceX-in Starship raketlərinin yaratdığı pozuntulardan 10 dəfə güclü olub. İki əsas pozuntunun hər biri təxminən 5 000 kilometr uzunluğa yayılıb.
Atmosferdəki dəyişikliklər GPS siqnallarının yayılmasına təsir göstərərək koordinatların bir neçə metr səhv hesablanmasına səbəb ola bilər. Bu cür xətalar dronlar, sürücüsüz avtomobillər və digər dəqiq naviqasiya sistemləri üçün risk yaradır. Lakin təsirin müvəqqəti olduğu bildirilir.
Artemis II missiyası çərçivəsində dörd astronavt 10 gün ərzində Ayın ətrafında uçuş həyata keçirib. Ekipaj Yerdən 252 756 mil uzaqlaşaraq Apollo 13-ün rekordunu yeniləyib və Ayın arxa tərəfini müşahidə edib.
Daha çox
Texnologiya
kateqoriyasından
