"
Capital Games” və “EA Mobile” tərəfindən hazırlanmış Lord of The Rings: Heroes of Middle-Earth mobil oyunu missiyalarla bol bir “RPG” strategiya oyunudur. Oyunda müxtəlif təbəqələrdən fərqli personajlarla komandanızı formalaşdırmaqla mübarizəyə başlayırsınız. The Hobbit də daxil olmaqla, Tolkien kainatını geniş şəkildə əhatə edən oyunda həm tək oyunçu, həm də çox oyunçu PvP rejimləri mövcuddur. Oyun Aragorn və Frodo-nun komandası ilə birlikdə Rivendell-ə gəlməsi ilə başlanır. Oyuna alışma sırasında Nazgulla qarşılaşdıqdan sonra oynayacağınız iki personajın kilidi açılır. Ümumi 46 personajın özünəməxsus güclü tərəfləri var.
