FTC-nin Microsoft-un Activision Blizzard-ı almasına mane olmaq üçün müraciət etdiyi məhkəmə Microsoft-un lehinə qərar qəbul edib.
![Will the FTC Block Microsoft From Acquiring Activision Blizzard? Legal Experts Are Divided - IGN](https://cdn.prod.website-files.com/606b4d68b6171127160524a4/64ae55344590f11cbda01b96_activisionblizzard-microsoft-blogroll-1677093456176.jpeg)
San-Fransiskodakı federal məhkəmə Microsoft-un Activision-ı 69 milyard dollara satın alması ilə bağlı razılaşmanın planlaşdırıldığı kimi davam edə biləcəyinə qərar verib. Məsələni şərh edən Microsoft-un prezidenti Brad Smith sürətli qərara görə məhkəməyə minnətdar olduqlarını bildirib. FTC keçən ay Microsoft kompüter oyunları şirkəti olan Activision Blizzard-ı satın almasının qarşısını almaq üçün müvəqqəti məhdudlaşdırma tədbiri üçün məhkəməyə müraciət etdi. Ərizədə Microsoft-un Activision-ı almasına icazə veriləcəyi təqdirdə bazarda rəqabətin pisləşəcəyi ilə bağlı narahatlıqların olduğu bildirilib.
Xbox oyun sisteminin istehsalçısı olan Microsoft, 2022-ci ilin yanvar ayında "Call of Duty" və "World of Warcraft" kimi oyunların istehsalçısı Activision Blizzard-ı təxminən 69 milyard dollara almaq planını açıqladı. Böyük Britaniya Rəqabət və Bazarlar İdarəsi (CMA) 2022-ci ilin sentyabrında sövdələşmənin nəzərdən keçirilməsinə başladı və Microsoft və Activision Blizzard arasındakı razılaşmanın bulud oyunları bazarının gələcəyini dəyişdirəcəyi ilə bağlı narahatlıqlarını əsas gətirərək bu ilin aprelində alışı blokladı.
![Microsoft Beats FTC in Case to Buy Activision – The Hollywood Reporter](https://cdn.prod.website-files.com/606b4d68b6171127160524a4/64ae613a88827d06bce26c49_Microsoft-and-Activision-Blizzard-Logo-Mobile-GettyImages-1237826866-H-2023.jpeg)
Avropa İttifaqı (Aİ) rəqabət araşdırmasını tamamladı və Microsoft-un Activision Blizzard-ı almasını təsdiqlədi. Avropa İttifaqının təsdiqi üçün Microsoft, Avropa istehlakçılarına Activision-un oyunları üçün 10 illik pulsuz bulud oyun xidmətləri təqdim etməyi öhdəsinə götürüb.