Vatikan rəhbəri Papa XIV Leo süni intellekt və insan ləyaqəti mövzusuna həsr olunan ilk böyük ensiklikasını — “Magnifica Humanitas” adlı sənədi təqdim edib.
Təxminən 42 min sözdən ibarət olan məktubda AI texnologiyalarının etik sərhədləri, insan qərarverməsi və texnologiyanın cəmiyyətə təsiri geniş şəkildə müzakirə olunur. Sənəddə xüsusilə vurğulanır ki, ölümcül və həyati qərarlar tam şəkildə AI sistemlərinə həvalə edilməməlidir. Papa texnologiyanın insan ləyaqətini və mənəvi məsuliyyəti əvəz etməməli olduğunu qeyd edərək dövlətləri və texnologiya şirkətlərini daha sərt AI qaydaları hazırlamağa çağırıb.
Təqdimat tədbirində Christopher Olah də iştirak edib. O, süni intellekt şirkəti Anthropic-in həmtəsisçilərindən biridir və AI interpretasiyası və təhlükəsizliyi sahəsində tanınan tədqiqatçılardan hesab olunur.
Vatikan və Anthropic tədbirdə AI etikası, insan mərkəzli texnologiya və gələcək rəqəmsal sistemlərin sosial təsiri üzrə əməkdaşlıq edəcəklərini açıqlayıblar. Bildirilir ki, tərəfdaşlıq çərçivəsində etik AI istifadəsi, təhsil və uzunmüddətli risklərin araşdırılması istiqamətində birgə təşəbbüslər hazırlanacaq.
Daha çox
Texnologiya
kateqoriyasından
