Facebook və Instagram Kanadada xəbərləri bloklamağa başlayıb
Meta Kanadadakı istifadəçilərin Facebook və Instagram-da bütün xəbər məzmunlarını bloklamağa başladı. Məhdudiyyətin yaxın bir neçə həftə ərzində bütün istifadəçilərə gələcəyi gözlənilir. Bu dəyişikliyin ölkənin "Onlayn Xəbərlər Aktı"na cavab olaraq edildiyi bildirilib. Bu qanun Meta və Google kimi texnoloji şirkətlərdən xəbər məzmunu üçün naşirlərlə danışıqlar aparmağı və ödəniş etməyi tələb edir.
Fiat ikonik boz rəngi ilə vidalaşır: Yeni rənglərə salam!
Leo Burnett Italia və Fiat "Operation No Grey" kampaniyası ilə boz avtomobillərin istehsalını dayandırmaq qərarını elan etmək üçün bir araya gəlib. Kampaniyada brendin baş direktoru Olivier Francois-in sükan arxasına əyləşməsi və narıncı boya qutusundan çıxan Fiat 600-ün rəngli nümayişi əks olunub.
Microsoft Teams daha immersiv konfrans zəngləri üçün məkan audio səs texnologiyasını istifadəyə verir
“Teams Spatial Audio" istifadəçilərin kimin danışdığını izləməyi asanlaşdırmaq və daha yaxşı başa düşmək üçün əlverişli şərait yaradır. Xüsusiyyəti bir neçə ay sınaqdan keçirdikdən sonra Microsoft Windows və macOS-da Teams masaüstü proqramı üçün məkan səsini geniş şəkildə təqdim etdi. Apple-ın FaceTime-da etdiyi kimi, Microsoft-un məkan audio tətbiqi zəngdə olan hər kəsin səsinin daha çox yayılmasına və səs keyfiyyətini daha da yaxşılaşdırmasına imkan verir.
Voyager 2 kosmik gəmisindən ilk siqnal gəlib
Dünən NASA-nın 1977-ci ildə kosmosa göndərilən Voyager 2 kosmik gəmisindən siqnal ala bilmədiyini qeyd etmişdik. Yaranan problemlə bağlı Voyager 2 əmrləri qəbul etməyi dayandırdı və məlumatların Yerə ötürülməsində problemlər yaşandı. Kosmik agentlik Voyager 2-dən əlaqəni itirdikdən sonra yenidən siqnal ala bildiyini açıqlayıb.
Apple təsisçiləri Steve Jobs və ortağı Steve Wozniak-ın imzaladığı çek hərraca çıxarılıb
Bu çeki xüsusi edən onun, Apple tarixindəki 2 nömrəli çek olmasıdır. Bu çekə "çek" kimi baxıldığında heç bir əhəmiyyəti yoxdur. Bununla belə, Steve Jobs-un xatirəsinə görə, buna olduqca maraq göstərən şəxslər olub. Avqustun 25-dək davam edəcək hərraca artıq on minlərlə dollar təklif gəlib.
OpenAI "ChatGPT-5" patenti üçün müraciət edib
Qısa müddətdə maraqları öz üzərinə çəkməyi bacaran ChatGPT son zamanlar rəqiblərinin artmasına görə arxa plana keçmək riski ilə üzləşir. ChatGPT-4 yüksək qiymətləndirilsə də, şirkət bu sahənin ən yaxşısı olmaq istəyir. Bununla belə, OpenAI-ın ChatGPT-5 üçün patentə müraciət etdiyi bildirilib.
Kapital Bank loqosunu dəyişib
Azərbaycanın birinci bankı olan Kapital Bank öz loqotipini dəyişib. Yeni loqo müasir dizayn standartlarına uyğun olaraq hazırlanıb. Dəyişikliyin bankın bütün fəaliyyət sahələrində (filial və bankomat şəbəkəsi, rəqəmsal platformalar və s.) mərhələli şəkildə tətbiq olunması nəzərdə tutulub.
Rusiyanın "Wildberries" onlayn pərakəndə satış xidməti Azərbaycanda fəaliyyətə başlayıb
Milyonlarla çeşidi olan onlayn pərakəndə satış şirkəti "Wilberries" Azərbaycan istifadəçiləri üçün əlçatan olub. Şirkət Azərbaycan bazarına daxil olaraq biznesin inkişafı üzrə fəaliyyətinin burada sürətlə davam etməsini planlaşdırır. Fəaliyyətə başlaması ilə birgə, Azərbaycan Wildberries-in fəaliyyət göstərdiyi 8-ci ölkə olub.
Daha çox
Daily
kateqoriyasından
