Telegram çox istifadə edilən mesajlaşma proqramlarından biri kimi müntəzəm olaraq yeniliklər edir. İstifadəçi məxfiliyinə ciddi önəm verən platforma hazırda “Telegram Premium” adlı abunəlik layihəsi üzərində işləyir.
Şirkət 4,99 dollardan başlayan və mesajlaşma proqramının məhdudiyyətlərini azaldan abunə platformasını işə salmağı planlaşdırır.
Platformaya gələn yeni funksiyaları izləyən “Telegram” kanalı gözlənilən dəyişikliklərin siyahısını paylaşıb:
• 4 GB Yükləmə Ölçüsü.
• Daha sürətli yükləmə sürəti.
• Səsdən mətnə çevrilmə.
• Reklamsız yazışma.
• Unikal reaksiyalar.
• Premium stikerlər.
• Daha yaxşı söhbət menecmenti.
• Profil nişanı.
• Animasiya edilmiş avatarlar.
• Əlavə proqram nişanları.
Telegram Premium artıq Android üçün beta versiyadadır, lakin siz hazırda xidmətə abunə ola bilməzsiniz.
“Meta”nın sahib olduğu platformalardan fərqli olaraq “Telegram” tamamilə ödənişsizdir. Şirkət hamıya açıq kanallarda sponsorlu mesajlar kimi reklam dəstəyi ilə bağlı araşdırmalar etsə də, messencer proqramı kimi rəsmi olaraq monetizasiya olunmayıb.
Hələ 2021-ci ildə “Telegram” messencerinin yaradıcısı Pavel Durov təsdiqləmişdi ki, o, ictimai kanalların postlarında reklam yerləşdirməyin yeni yollarını araşdırır. Şirkətə görə, “Telegram”ın eksperimental reklamları yalnız 160 simvol limitinə malik kiçik postlar olacaq və onlar xarici keçidləri daxil etməyəcək.
Daha çox
Texnologiya
kateqoriyasından
