Xaricdən gələn mallara gömrük nəzarəti - Bəziləri ölkəyə buraxılmayacaq!

İdxal olunan bəzi qeyri-qida məhsulları üçün gömrük nəzarətinin gücləndirilməsi təklif olunur.

Milli Məclisdə müzakirə olunan qanunvericilik dəyişikliklərinə əsasən, Azərbaycana idxal edilən bəzi qeyri-qida məhsulları üçün gömrük nəzarətinin genişləndirilməsi nəzərdə tutulur. Təklif qəbul edilərsə, məişət texnikası, elektronika, tikinti materialları, oyuncaqlar və digər texniki tənzimləməyə aid məhsulların təhlükəsizlik tələblərinə uyğunluğu gömrük mərhələsində də yoxlanıla biləcək.

Layihəyə əsasən, gömrük orqanlarına məhsulların uyğunluq sertifikatlarını, uyğunluq bəyannamələrini və digər texniki təhlükəsizlik sənədlərini yoxlamaq səlahiyyəti veriləcək. Bu mexanizmin məqsədi müəyyən edilmiş standartlara cavab verməyən və istehlakçılar üçün risk yarada biləcək məhsulların ölkə ərazisinə daxil olmasının qarşısını almaqdır.

Dəyişikliklər sahibkarların yeni qaydalara uyğunlaşmasını asanlaşdırmaq məqsədilə 2 illik keçid müddəti nəzərdə tutur. Bu müddət ərzində idxalçılar tələb olunan sənədləşmə və uyğunluq prosedurlarını tətbiq edə, fəaliyyətlərini yeni tələblərə uyğunlaşdıra biləcəklər.

‍