025-ci ildə YouTube reklam gəlirlərinə görə ənənəvi media şirkətlərini geridə qoyaraq əyləncə sənayesində güc balansının necə dəyişdiyini bir daha göstərdi. TechCrunch platformasının paylaşdığı məlumata əsasən və araşdırma şirkəti MoffettNathanson-un hesablamalarına görə, YouTube ötən il 40,4 milyard dollar reklam gəliri əldə edib. Bu göstərici Disney, NBC, Paramount və Warner Bros. Discovery şirkətlərinin birlikdə qazandığı 37,8 milyard dollarlıq reklam gəlirindən daha yüksək olub.
Bu nəticə son illərdə izləyici davranışlarının necə dəyişdiyini və reklam bazarının getdikcə daha çox rəqəmsal platformalara yönəldiyini açıq şəkildə göstərir. Maraqlıdır ki, 2024-cü ildə vəziyyət fərqli idi. Həmin dövrdə YouTube-un reklam gəliri 36,1 milyard dollar olsa da, ənənəvi media şirkətlərinin ümumi göstəricisi 41,8 milyard dollar idi. Cəmi bir il ərzində isə balans tamamilə dəyişib.
YouTube-un ana şirkəti Alphabet-in məlumatına görə, platformanın 2025-ci ildə ümumi gəliri 60 milyard dollara yüksəlib. Bu gəlirin böyük hissəsi isə YouTube Premium, YouTube Music, YouTube TV və NFL Sunday Ticket kimi abunə xidmətlərindən formalaşıb. Bu göstərici hətta Netflix-in illik 45,2 milyard dollarlıq gəlirini də üstələyir.
Bununla belə, reklam gəlirləri baxımından Meta hələ də bazarın ən böyük oyunçularından biri olaraq qalır. Şirkət 2025-ci ildə reklamlardan 196,2 milyard dollar gəlir əldə edib.
Amma xüsusilə gənc auditoriyanın vaxtının böyük hissəsini YouTube-da keçirməsi reklam verənlərin platformaya marağını daha da artırır. Təkcə 2025-ci ilin son rübündə YouTube-un reklam gəliri 11,4 milyard dollar olub.
Daha çox
Texnologiya
kateqoriyasından
