Süni intellekt əsaslı oyun istehsalı platforması GameByte investisiya turunda 1 milyon dollar vəsait cəlb edib.
İnvestisiya 10 milyon dollar dəyərləmə üzərindən baş tutub və platformanın inkişafı üçün mühüm mərhələ hesab olunur.
GameByte süni intellekt texnologiyalarından istifadə edərək qısa müddət ərzində oynanıla bilən oyunların yaradılmasını mümkün edən platforma kimi fəaliyyət göstərir. Şirkətin əsas məqsədi oyun istehsal prosesini sadələşdirmək, texniki baryerləri azaltmaq və fərdi istifadəçilərdən tutmuş studiyalara qədər geniş auditoriya üçün oyun yaradılmasını daha əlçatan etməkdir.
Cəlb olunan investisiyadan sonra startap platformanın texniki imkanlarını genişləndirməyi, oyun istehsal prosesini daha avtomatlaşdırılmış və çevik hala gətirməyi planlaşdırır. Bununla yanaşı, GameByte qlobal bazarlara çıxış strategiyasını sürətləndirməyi və beynəlxalq istifadəçi bazasını böyütməyi hədəfləyir.
Şirkət süni intellektin oyun dizaynı və istehsalında rolunun artacağını əsas götürərək, gələcək mərhələlərdə daha mürəkkəb oyun mexanikalarının, dinamik məzmunun və fərdiləşdirilmiş oyun təcrübələrinin yaradılmasına fokuslanmağı planlaşdırır.
