"Amazon" alış-veriş prosesini daha asan və əlçatan etmək üçün yeni süni intellekt funksiyasını istifadəyə verib. “Hear the highlights” adlı xüsusiyyət sayəsində istifadəçilər məhsul səhifəsində səsli məlumat xülasəsi dinləyə bilirlər.
Bu sistem “AI shopping experts” adlanan texnologiya ilə işləyir və məhsulun əsas üstünlüklərini qısa formada təqdim edir. "Amazon" rəsmisi Rajiv Mehta bu xidməti “yanınızda alış-veriş məsləhətçisi varmış kimi” ifadəsi ilə izah edib. Hazırda ABŞ-də məhdud istifadəçi qrupu üçün əlçatan olan bu xüsusiyyət yaxın aylarda daha geniş auditoriyaya təqdim ediləcək.
