3 oktyabrda Gənclik Mall-da ilk LEGO mağazası açılır
Azərbaycanda LEGO həvəskarları üçün yeni məkan açılır. “LEGO Group” və “TORGROUP Global”ın tərəfdaşlığı ilə ölkənin ilk rəsmi LEGO mağazası 3 oktyabr 2026-cı ildə Bakıda, “PASHA Malls”un tərkibindəki “Gənclik Mall”da fəaliyyətə başlayacaq.
Mağazada müxtəlif yaş qrupları və mövzular üçün geniş LEGO məhsulları, o cümlədən yalnız rəsmi LEGO mağazalarında təqdim olunan məhsullar və xüsusi təkliflər olacaq. Müştərilər LEGO dəstlərinin seçimində mağaza mütəxəssislərindən dəstək ala biləcəklər.
.jpg)
Mağazada “Pick a Brick”, “Build a Minifigure”, LEGO pasportu və xüsusi minifiqur skaneri kimi interaktiv imkanlar təqdim olunacaq. Skaner vasitəsilə ziyarətçilər özlərini LEGO minifiquru formasında görə biləcəklər.
Yeni mağazada Azərbaycan və Bakıdan ilhamlanan LEGO modelləri və yerli dizayn elementləri də yer alacaq. Ziyarətçilər burada birlikdə yarada, oynaya və LEGO parçalarının müxtəlif imkanlarını kəşf edə biləcəklər.
Açılış günü rəsmi mərasim, interaktiv fəaliyyətlər və oyunlar, əyləncə proqramı, xüsusi sürprizlər və məhdud sayda hədiyyələr təşkil olunacaq.
Daha çox
Biznes
kateqoriyasından
