Məşhur sosial media platforması “Instagram” itmiş, axtarışda olan uşaqlar üçün gücünü ortaya qoyur.
“Instagram” Qlobal İtkin Uşaqlar Günü üçün yeni funksiyasını 1 iyun istifadəyə verib. Bu funksiya istifadəçilərə yaşadıqları ərazidə itkin düşən uşaqlar haqqında bildirişləri görmək və paylaşmaq imkanı verəcək.
Yeni funksiya, əvvəlcə, ABŞ və 25 başqa ölkədə istifadəyə verilib. Bundan əlavə, şirkət gələcəkdə bu funksiyanı daha çox ölkəyə yaymağı planlaşdırır.
Yaxın bir neçə həftə ərzində isə Argentina, Avstraliya, Belçika, Bolqarıstan, Kanada, Ekvador, Yunanıstan, Qvatemala, İrlandiya, Yamayka, Koreya, Litva, Lüksemburq da daxil olmaqla bir çox ölkə istifadəçiləri funksiyadan istifadə edə biləcək.
